पारिजात स्मृति केन्द्रको आयोजना र फिनिक्स बुक्सको संयोजनमा आयोजना गरिएको महिला पुस्तक प्रदर्शनी - २०८१ को काठमाण्डौं महानगरपालिका उपप्रमुख सुनिता डङ्गोलले वैशाख ११ गते उद्घाटन गर्नुभयो । पारिजात स्मृति केन्द्रका अध्यक्ष मातृका पोखरेलको अध्यक्षतामा भएको उक्त उद्घाटन कार्यक्रममा प्रदर्शनीको औचित्यमाथि केन्द्रका उपाध्यक्ष इन्दिरा दलीले साहित्यकार पारिजातकै संयोजनमा वि.सं. २०४२ साल चैत्र १ गते देखि ७ गतेसम्म सञ्चालन भएको पहिलो महिला पुस्तक प्रदर्शनीको स्मरण गर्नुहुँदै यस प्रदर्शनीले महिला साहित्यकारहरुमा असल र गुणस्तरीय कृति लेख्ने उत्प्रेरणा जागृत गर्न योगदान पुग्ने विश्वास व्यक्त गर्नुभयो । कार्यक्रमका प्रमुख अतिथि उपमेयर सुनिता डंगोलले महिला लेखकहरुको यो प्रकारको सहभागिताले आफू पनि उत्साहित भएको छु भन्नुभयो । पारिजात स्मृति केन्द्रका यस प्रकारका गतिबिधिलाई आफूले निरन्तर सहयोग गर्ने बचनवद्धता व्यक्त गर्नुभयो । धन्यवाद मन्तव्य राख्नुहुँदै कार्यक्रमका संयोजक फिनिक्स बुक्सका प्रमुख गणेश सुबेदीले अत्यन्तै छोटो समयमा यो कार्यक्रम आयोजना गर्नु परे पनि महिला लेखकहरुको उत्साहजनक सहभागिताले आफू पनि उत्साहित भएको धारणा राख्नुभयो ।
सम्झना र पारिजातको नेपाली साहित्यमा पुऱ्याउनु भएको योगदानको विविध कोणबाट चर्चा र विश्लेषण गर्नुभयो । पहिलो दिनको दुवै चरणको कार्यक्रमको संचालन विन्दु शर्माले गर्नुभएको थियो । 
कार्यक्रमको दोश्रो चरणमा 'महिला लेखन कठिनाइ र सम्भावनाका बारेमा छलफल भएको थियो । उक्त छलफलमा सुलोचना मानन्धर , धनकुमारी सुनार र कैलाश राईले भाग लिनुभएको थियो ।कार्यक्रमको संचालन विमल आचार्यले गर्नुभएको थियो । 
